Kachin e-Library hpe htawm  hpang ē Kachin Studies ngu nna anhtē Wunpawng amyu sha ni hte seng nna hkaja ai hpaji găbaw amyu myu ni a njut nlung lăngai hku byin tai na hpe yaw shătawng shăda da ga ai law. Nu wa hpu nau ni ndai Kachin e-Library website ntsa mă ra da ai laili laika ni, sumla ni, sumla hkrung ni a mărang e akyu hkam sha lu ai rai jang gaw anhtē Kachin e-Library Team ni na-chying kăbu nga na săga ai law.

January 31, 2011 shăni jăhpawt hkying 8:00 tup hta Yangon Muklum hta Kachin e-Library website hpaw poi lămang hpe săra kăba ni, kăji kăwoi ni, kănu kăwa ni, ramma mănaw mănang ni hte wu wu di di shang lawm let akyu hpyi apnawng ai hte hpaw hpang da lu sai re. January 31 shani she hpang wa lu ai măjaw, Kachin e-Library website mung awa n tu shi ai ama zawn naw rai nga na rē. Rai tim,  Wunpawng amyu sha ni a laili laika, htung hking hte seng nna ninggam ningnan lăhkam ningnan lăngai htawt sit ai lam rē măjaw yawng shanglawm shăkut lawm atsam dat lawm na mătu ga saw dat ga ai.

Wunli wungau lu mu ga law.

Chyēju dum let,

Kachin e-Library Team

This e-mail address is being protected from spambots. You need JavaScript enabled to view it

Mătsing: Kachin e-Library Team lăjang tawn ai laika ni law law wa nga shăjang sai rē. Rai tim, ka shălat ai laika mădu ni a ahkang n lu shi ai măjaw Kachin e-Library online library ntsa hta yawng n lu mă ra da shi ai re lam shăna dat ga ai.